ཁ་བརྡ།

བོད ལྷ་ཀླུ་གཉན་གསུམ།

མི་ཞིག་གིས་རང་ཉིད་འབོར་བཞིན་པའི་དུས་ཚོད་ཀྱི་སྔ་གཞུག་ཀུན་དུ་རང་ཉིད་ནི་འགྲོ་བ་མི་སྤྱི་མཚུངས་ལྟར། མི་ཡུལ་འདི་ན་མི་གཞན་དག་དང་འདྲ་བར་འགྲོ་བ་སྤྱི་མཚུངས་ཀྱི་ཐོབ་ཐང་དང་རང་དབང་ སོགས་ཡོད་མེད་ཀྱི་ཕྱོགས་སུ་བསམ་བློ་རེ་འཁོར་ནས་འོང་དུས། རང་དབང་མེད་པར་ཚུར་ལ་ཕྱོགས་དེ་འོང་བ་ནི། མི་ཞེས་པ་འདི་ནི་སྲོག་ཆགས་དབུགས་ཐོག་མང་བོ་ཞིག་གི་ཁྲོད་ཀྱི་བསམ་བློ་གཏོང་ཤེས་པ་ནས་སྐད་ཆ་བཤད་ཤེས་མཁན་དང་འགྲོ་བ་མི་ཟེར་བ་དེ་རེད། དེས་ན་ངས་འདི་ནས་རང་གི་བསམ་ཚུལ་ཞིག་རྒྱལ་སྤྱིའི་སྒང་གི་བདེན་དོན་ཚོགས་པ་ཁག་ལ་ཕུལ་བའི་སྙན་ཐོ་ཟེར་བ་ཞིག་གཤམ་ནས་སྙན་གསན་ཞུ་རྒྱུ་ཡིན་ན། དྲ་གྲོགས་དག་གི་འདིའི་ཐད་དུ་བསམ་ཚུལ་ལྷུག་པོ་གནང་རོགས་ཞུ། རྩོམ་ཡིག་འདིའི་འཕྲོ་ཀློག »

བསྟན་འཛིན་བདེ་སྐྱིད།
————————
བོད་སྐད་ནི་ཐལ་འཚུབ་དཀྱིལ་གྱི་དབུགས་བསག་གི་ནད་པ་ཞིག་བཞིན་དུ་དབུགས་ཧལ་བཞིན་གནས་ཡོད། ས་བབ་ཀྱི་ཆ་ནས་ཐ་དད་ཡིན་པའི་ལྷ་ས་དང༌། དྷ་རམ་ས་ལཱ། ནིའུ་ཡོརྐ་བཅས་ཀྱི་ནང་སྐྱེས་པ་དང་འཚར་ལོང་བྱས་པའི་བོད་ཕྲུག་རྣམས་ཀྱིས་བོད་སྐད་དེ་ཁ་སྐད་དང་པོའི་ཚུལ་དུ་བེད་སྤྱོད་ཀྱིས་འཚར་ལོང་བྱེད་སྲིད་ཀྱང༌། ཁོང་ཚོས་བོད་ཡིག་དེ་སྐད་ཡིག་གཉིས་པའི་ཚུལ་དུ་སྤྱོད་རྒྱུ་དེ་ཧ་ལམ་ངེས་པ་རེད། ཇི་སྲིད་བོད་དེ་རྒྱ་ནག་གི་མི་སེར་སྤེལ་ཡུལ་ཞིག་ཏུ་གནས་པ་དེ་སྲིད་དུ་འདི་ལ་འགྱུར་བ་མི་ཡོང༌། ད་ལྟའི་ཆར་བོད་ནང་གི་བོད་ཕྲུག་སློབ་གཉེར་བ་ཚོའི་ཆེད་ལས་ལམ་ལྷོངས་ཀྱི་སྐད་ཡིག་དེ་རྒྱ་སྐད་ཡིན། ཕྱི་ལ་གནས་པའི་བོད་ཕྲུག་སློབ་གཉེར་བ་ཚོའི་སྐད་ཡིག་དེ་དབྱིན་སྐད་ཡིན། ལམ་སྲོལ་གྱི་གྱོང་གུན་གྱིས་རྐྱེན་པས་བོད་སྐད་དེ་ངེས་པར་དུ་སྣང་ཆུང་དུ་ལུས་ཡོད།
རྩོམ་ཡིག་འདིའི་འཕྲོ་ཀློག »

བསྟན་འཛིན་ཉིན་བྱེད།
(བསྟན་འཛིན་ཉིན་བྱེད་ནི་ཨ་རི་ཝ་ཡོ་མིང་གཙུག་ལག་སློབ་གཉེར་ཁང་དུ་སྲིད་དོན་ཚན་རིག་གི་ཆེད་ལས་ཐོག་ནུབ་ཕྱོགས་རྩོམ་རིག་གི་ཨེམ་ཨེ་སློབ་གཉེར་བ་ཞིག་ཡིན་ལ། བོད་གཞུང་དཔེ་མཛོད་ཁང་གིས་དབྱིན་ཡིག་ཐོག་དཔར་བསྐྲུན་བྱེད་པའི་བོད་ཀྱི་དུས་དེབ་ཀྱི་ལག་བསྟར་རྩོམ་སྒྲིག་པ་ཟུར་པ་ཡིན།)

ཉེ་བའི་ཆར་བ༷ཙན་བྱོལ་སྤྱི་ཚོགས་ནང་འཚར་ལོང་བྱུང་བའི་གཞོན་སྐྱེས་ཤེས་ཡོན་ཅན་ ཁྲོད་བོད་ཡིག་ཐོག་དོ་སྣང་གསར་པ་ཞིག་སླེབས་བཞིན་འདུག དེ་ནི་གནས་ཚུལ་བཟང་པོ་ཞིག་ཏུ་ངོས་འཛིན་བྱེད་ཆོག ལྷག་པར་དུ་ཕ་ཡུལ་དྲྭ་རྒྱའི་ནང་གནད་དོན་འདི་ཐད་རྩོམ་རིག་སྤེལ་མཁན་གཅིག་བྱུང་འདུག་ཅིང་། (དབྱིན་ཡིག་གི་རྩོམ་དེའི་འབྲེལ་ཐག་འདི་རུ་ཡོད།) དཔྱད་རྩོམ་འདིའི་ནང་བོད་ཡིག་འབྲི་ཀློག་ཁག་པོ་ཡོད་པའི་རྐྱེན་གྱིས་བོད་རིགས་གཞོན་སྐྱེས་རྣམས་དོ་དབྱིངས་དེ་ཙམ་བྱེད་ཐུབ་ཀྱི་མེད་པ་དང་། དེ་བཞིན་བཙན་བྱོལ་སྤྱི་ཚོགས་ནང་འཚོ་གནས་ཡོང་བར་ཕྱིའི་སྐད་རིགས་ལ་དམིགས་བསལ་དོ་སྣང་དང་ཤུགས་མ་རྒྱག་ཀ་མེད་ཆགས་ཀྱི་ཡོད་སྟབས་བོད་ཡིག་ལ་འཐུས་ཤོར་འགྲོ་གི་ཡོད་པའི་དངོས་ཡོད་ཀྱི་དཀའ་ངལ་འགྲེལ་བརྗོད་གནང་འདུག བོད་མི་རིགས་ཀྱི་ངོ་བོའི་བླ་སྲོག་ཏུ་ཐུག་པའི་བོད་ཀྱི་སྐད་ཡིག་སྲུང་སྐྱོབ་ཡོང་ཆེད། རྩོམ་པ་པོས་ལྷག་བསམ་རྣམ་དག་གིས་དགོངས་འཆར་ལྷུག་པོ་འདི་འདྲ་ཞིག་གནང་འདུག་སྟེ། བོད་ཡིག་གི་དཔེ་དེབ་སོགས་ཀློག་སྐབས་ཚིག་ཕན་༷ཚུན་དབར་དབྱེ་བ་ཕྱེའམ་བར་སྟོང་འཇོག་སྟེ་ཀློག་ན་དགེ་མཚན་ཡོད་སྐོར་དངོས་ཡོད་ཀྱི་ཉམས་མྱོང་ཐོག་ནས་གསུངས་གནང་ འདུག གསར་བརྗེའི་བསམ་ཚུལ་འདི་ཐད་རྒྱ་ཆེའི་ཀློག་པ་པོ་མང་པོ་ཞིག་གིས་ཀྱང་རང་རང་སོ་སོའི་བསམ་ཚུལ་སྒྲོག་སྦྱང་གིས་རྒྱབ་སྐྱོར་གནང་འདུག རྩོམ་ཡིག་འདིའི་འཕྲོ་ཀློག »

སྐུ་ཞབས་རིག་བྱུང་དོན་གྲུབ་བཀྲིས་ཀྱིས་བསྐྱར་དུ་བསམ་བློ་ཐོངས་ཟེར།  མདང་ནུབ་ཕྱི་པོ་བར་ལ་བསམ་བློ་བཏང་པ་ཡིན། ངའི་བསམ་ཚུལ་འདི་ཡིན།

ང་ཚོས་བོད་ཀྱི་གནས་སྟངས་ལ་འགྱུར་བ་གཏོང་དགོས་ན། དང་པོ་རྒྱལ་བ་རིན་པོ་ཆེའི་དགོངས་པ་བཞེས་སྟངས་ལ་འགྱུར་བ་གཏོང་དགོས་ཀྱི་འདུག བོད་ཀྱི་སྤྱི་ཚོགས་ནང་རྒྱལ་བ་རིན་པོ་ཆེའི་དགོངས་པ་དང་འགལ་ན་བྱ་བ་སྒྲུབ་ཐུབ་ཀྱི་མིན་འདུག དེར་བརྟེན། དང་པོ་བོད་པའི་སྤྱི་ཚོགས་ནང་ལས་ཀ་ག་རེ་བྱས་ནའང་རྒྱལ་བ་རིན་པོ་ཆེའི་རྒྱབ་སྐྱོར་ཐོབ་པ་བྱེད་དགོས་ཀྱི་འདུག དེར་བརྟེན། དང་པོ་བཙན་བྱོལ་གཞུང་བརྟན་པོ་ཞིག་འཛུགས་ཐུབ་པ་བྱ་རྒྱུ་དེ་རེད། དེ་ཡོང་བར། དམངས་གཙོ་ཡག་པོ་ཞིག་དགོས་འདུག དེ་ཡོང་བར། ཆབ་སྲིད་ཀྱི་ཚོགས་པ་ཁ་ཤས་འཛུགས་དགོས་ཀྱི་འདུག དེ་ཡོང་བར་དང་པོ་རྒྱལ་བ་རིན་པོ་ཆེ་ལ་དེ་ལྟར་ཡོང་བར་རྒྱབ་སྐྱོར་གནང་རོགས་ཅེས་སྙན་གསེང་ཞུས། རྒྱལ་བ་རིན་པོ་ཆེས་དེ་ཁས་ལེན་ན། ཁོང་ནས་མང་ཚོགས་ལ་བཀའ་གནང་ནས་ཆབ་སྲིད་ཚོགས་པ་འཛུགས་རྒྱུ་དེ་རེད། 

གཉིས་པ་སྐུ་ཚབ་ཚོགས་པ་དང་སྐུ་ཚབ་ཀྱི་ངོ་བོ་ལ་འགྱུར་བ་གཏོང་དགོས་ན། དང་པོ་རྒྱལ་བ་རིན་པོ་ཆེ་ལ་ཞུ་དགོས་འདུག དཔེར་ན། རྒྱལ་བ་རིན་པོ་ཆེས་སྐུ་ཚབ་ལ། ཁྱོད་ར་ཕར་ཕྱིན་ནས་རྒྱ་མི་ལ་འདི་དང་འདི་ཤོད་གསུངས་ན། སྐུ་ཚབ་ཀྱིས་དེ་ལྟར་ལག་ལེན་ལོས་བྱེད། 

གསུམ་པ། ང་ཚོས་རྩོམ་དང་བསམ་ཆར་སྤེལ་ནས། རྒྱལ་བ་རིན་པོ་ཆེར་བོད་དོན་སྒྲུབ་པར་དྲག་ལས་ཀྱང་ལག་ལེན་གཏོང་བཅུག་རོགས་གནང་ཟེར་ཞུ་བ་འབུལ། རྒྱལ་བ་རིན་པོ་ཆེས་མིན་གསུངས་ན། ཡང་བསྐྱར་ཞུ་བ་ཕུལ། ཕོ་བྲང་མདུན་བཟས་བཅད་ངོ་རྒོལ་བྱས་ན་ཇི་སྲིད་དྲག་སྤྱོད་སྤེལ་བར་རྒྱབ་སྐྱོར་མ་གནང་བར་དེ་སྲིད་ཁ་ལག་ཟ་གི་མིན་ཅེས་ཐག་བཅད་ནས་བོད་མི་སྟོང་གཅིག་ལྷག་རྒྱལ་བའི་ཕོ་བྲང་མདུན་ལ་བསྡད་ན་ཁོང་ནས་ཉིན་གཅིག་དྲག་སྤྱོད་སྤེལ་བར་རྒྱབ་སྐྱོར་གནང་གི་རེད། དེ་ལྟར་བྱུང་ན་བོད་མིའི་རང་དབང་འཐབ་བརྩོད་ངོ་མ་དེ་བྱེད་པའི་མགོ་བཙུགས་པ་རེད། ད་བར་བཙན་བྱོལ་ནང་སྤེལ་བའི་རང་དབང་འཐབ་བརྩོད་རྣམས་ནུས་མེད་རེད། རྒྱ་ལ་གནོད་ཐུབ་ཀྱི་མིན་འདུག

ད་བསམ་ཚུལ་བཤད་འཚར། སེམས་པ་སྐྱིད་དུ་ཕྱིན་སོང་། སྦི་རག་གཅིག་ཐུང་གི་ཡིན། ཡིན་ནོར་འདུག་ན་ཁྱེད་ཚོས་བཟོ་རོགས།

རིག་འབྱུང་དོན་གྲུབ་བཀྲ་ཤིས། ཨ་རི།

བོད་རྒྱ་འབྲེལ་མོལ་གྱི་རིམ་པ་འདི་བྱུང་ནས། ད་ཕན་ལོ་ངོ་༣༠ལྷག་འགྲོ་གི་འདུག ཐོག་མའི་ཆར་ལྟ་སྐོར་གྱི་ངོ་བོའི་ཐོག་ནས་ཕྱིན་པ་རེད། དེ་ནས་སྐུ་ཚབ་ཀྱི་མིང་ཐོག་ནས་ཕྱིན་པ་རེད། ལྟ་སྐོར་ཚོགས་པ་དང་སྐུ་ཚབ་ཚོགས་པ་གཉིས་ཀ་བོད་ལ་ཡང་འགྲོ་ཐུབ་ཡོད་པ་རེད། བོད་ནང་གི་གནས་སྟངས་མཐོང་ཡོད་པ་རེད། དེ་དུས། རྒྱ་ནག་གཞུང་གིས་ཚུར་ལ་ཆ་རྐྱེན་མང་པོ་བཏོན་པ་རེད། ཚུར་ལ་ཆ་རྐྱེན་བཏོན་པ་ནང་བཞིན་ཕར་ལ་ཡང་ཆ་རྐྱེན་བཏོན་པ་རེད། ཕར་ལ་ཆ་རྐྱེན་བཏོན་པ་ཁ་ཤས་འགྲུབ་པ་རེད། འོན་ཀྱང་། གྲུབ་འབྲས་ཆེན་པོ་བྱུང་ཡོད་མ་རེད། གང་ལྟར། འབྲེལ་མོལ་གྱི་བརྒྱུད་ལམ་དེ་ཆད་པ་རེད། ཆད་ནས་ལོ་བཅུ་གྲངས་ཕྱིན་པ་རེད། དེའི་རྗེས་སུ་འབྲེལ་མོལ་གྱི་ལམ་ཁ་འདི་བསྐྱར་མཐུད་བྱུང་བ་རེད། དེ་ནི་ད་ལྟའི་བཀའ་ཤག་སྐབས་སྔ་མ་དེའི་སྐབས་ལ་རེད། སྐུ་ཚབ་དེ་ཡང་དམིགས་བསལ་སྐུ་ཚབ་ཀྱི་མིང་ཐོག་ནས་ཕྱིན་པ་རེད། འགྲོ་ས་དེ་ཡང་རྒྱ་ནག་ལ་ཕྱིན་པ་རེད། རིམ་པ་དེའི་ནང་ལ། རྒྱ་ནག་གཞུང་གི་ངོས་ནས་ཚུར་ལ་ཆ་རྐྱེན་མང་པོ་བཏོན་པ་རེད། ང་ཚོའི་ངོས་ནས་ཆ་རྐྱེན་མང་པོ་ཁས་ལེན་བྱས་བ་རེད། ཁས་ལེན་བྱས་བའི་མ་ཚད་ཡིག་ཆའི་ནང་ལ་ཡང་བཞག་པ་རེད། རྩོམ་ཡིག་འདིའི་འཕྲོ་ཀློག »

ཁུངས་ལྡན་གནས་ཚུལ་ལྟར་ན།

  ཉེ་ཆར་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་ཁོངས་ཀྱི་རྨ་ལྷོ་སོག་རྫོང་གསེར་ལུང་ཞང་སྒ་ཁིས་རུ་ཆེན་ནང་གཞུང་གིས་རོགས་རམ་གྱིས་ཁང་པ་གསར་རྒྱག་བྱེད་པའི་ལས་འཆར་ཞིག་ཡོད་འདུག་པར། མཐར་ཁང་པ་རྒྱག་ཕྱོགས་ཐད་གཞུང་དང་མི་མང་གཉིས་བར་བསམ་ཚུལ་མི་མཐུན་པ་བྱུང་སྟེ་དེ་མུར་ལུས་ཡོད་འདུག

 སྒ་ཁིས་ཟེར་བ་ནི་རྨ་ལྷོ་སོག་པོའི་ཁོངས་གསེར་ལུང་ཞང་ངམ་སྔོན་མིང་མདའ་ཚན་ལ་མདའ་ཁག་ལྔ་སྟེ་རུ་སྡེ་ལྔ་ཡོད་པའི་ནང་གི་གཅིག་ཡིན་པ་དང་དེ་ལ་མི་ཁྱིམ་བརྒྱ་དང་བཞི་བཅུ་ཡོད། སྒ་ཁིས་ལ་ཁང་པ་མེད་པའི་མི་ཁྱིམ་ཞིག་མེད་ཚོད་ཡིན་ཡང་གཞུང་ནས་མི་ཁྱིམ་རེར་སྒོར་ཁྲི་བཞིའི་འགྲོ་སོང་བཏང་ནས་ཁང་པ་རྒྱག་གི་ཡིན་ལབ་འདུག  དེ་ཡང་མི་ཚང་ཉི་ཤུ་མ་གཏོགས་གཞན་ཁང་པ་ཚང་མ་རྫོང་ཐོག་གམ་ཞང་ཐོག་གང་རུང་ལ་ངེས་པར་རྒྱག་དགོས་ཚུལ་དང་དེ་ལྟར་མ་བྱས་ན་ཁང་པ་རྒྱག་པའི་ཐོབ་ཐང་འཆོར་གི་ཡོད་ཚུལ་བཤད་འདུག མི་མང་གིས་དེ་ལ་ངོས་ལེན་མ་བྱས་པར་རང་གི་ས་ཐོག་ཏུ་རྒྱབ་ན་ལས་གཞན་ཁང་པའི་དགོས་པ་མེད་ཁང་པ་མེད་པར་ན་ཁུག་ཅིག་ཏུ་ཉལ་ནས་སྡོད་དགོས་ཀྱང་འདུག་གི་ཡིན་ཟེར་ནས་གཞུང་གི་ཐག་ཆོད་ལ་ངོས་ལེན་མ་བྱས་པར་བསྡད་འདུག རྩོམ་ཡིག་འདིའི་འཕྲོ་ཀློག »

ཁ་སང་དེ་རིང་མི་མང་གི་ཁ་མང་དེ་སྐུ་ཚབ་ཚོ་དང་གུང་གཞུང་ཐོག་འཁོར་ནས་འུར་འུར་ཟིང་ཟིང་ཆགས་འདུག ང་རང་གིས་ཀྱང་གུང་སེང་གི་གོ་སྐབས་འདི་བཟུང་ནས་ཁྱེད་རྣམས་ལ་ཚིག་འགའ་ཤས་ཤིག་ཞུ་ན་བསམ།

ཁྱེད་རྣམ་པ་སྐུ་བདེ་བོའི་ངང་སླར་འཁོར་བར་དགའ་བསུ་ཞུ་བ་དང་ཆབས་ཅིག་མི་འདོད་པའི་འཁང་ཚིག་ཁ་ཤས་ཀྱང་ཞུ་དགོས་བྱུང་སོང་བས་དབུ་ཟུར་གྱི་ཤ་ལེབ་གཉིས་གཏོད་ལ་ཡག་པོ་གསན་པར་ཞུ།  རྩོམ་ཡིག་འདིའི་འཕྲོ་ཀློག »

ཨ་རིའི་རྒྱལ་ས་གཙོས་ས་ཁུལ་མང་པོ་ཟིག་ལ་གངས་ཆེན་བབས་པ་དང་། གནས་ཐང་དང་་གཞུང་ལམ་མང་པོ་ཟིག་འགག་པ་སོགས་གྱི་གནས་ཚུལ་བྱུང་འདུག་ལ་
ཨ་རིའི་གྲོགས་པོ་ཟིག་གིས་འདྲ་འདི་བསྐུར་ཞོར་གླུ་འདི་བླངས་བྱུང་
ཁ་བ་མར་མར་བབས་དུས།
ཕ་ཡུལ་ཡིད་ལ་འཁོར་བྱུང་།
ཁ་བ་གངས་ཅན་ལྗོངས་ལ།
ལོག་རྒྱུ་བྱུང་ན་བསམ་བྱུང་། རྩོམ་ཡིག་འདིའི་འཕྲོ་ཀློག »

ཟ་ལེ་རྒྱལ།

ཚུགས་ཀ་མེད་ཀྱང་སྡོག་པ་བྱས་ནས་ས་ཡ་དྲུག་གི་སྐུ་ཚབ་དག།

བོད་ལྭ་གོན་ནས་བོད་ཚུགས་བཏོད་དེ་བོད་ཀྱི་རྒྱལ་ས་གཉིས་བ་ནས།།

༧ཡིད་བཞིན་ནོར་བུར་མགོས་ཕྱག་འཚལ་སྟེ་དམ་བཅའ་ཁས་ལེན་བྱས་བ་དང་།།

ཟ་དང་འཐུང་དང་ཡིན་དང་མིན་སོགས་རྒྱ་སྐད་ཁ་ཤས་སློབ་ཞོར་ལ།།

བོད་ལྭ་ཕུད་ནས་རྒྱ་ལྭ་གོན་ཏེ་མཁའ་ལམ་བརྒྱུད་ནས་ཕེབས་སོང་ཟེར།། རྩོམ་ཡིག་འདིའི་འཕྲོ་ཀློག »

མཐོ་དབུས་མཐོ་སྒང་གི་རྩོམ་པ་པོ་གང་ན་སུ་བཞུགས་དང་། དྲ་གྲོགས་ཚང་མ་ལ་བཀྲ་ཤིས་བདེ་ལེགས་། ལྷག་པར་དུ་ཁ་བརྡ་དྲ་རྒྱའི་ལས་བྱེད་ཡོངས་ལ་ཐུགས་རྗེ་ཆེ་དང་བཀྲ་ཤིས་བདེ་ལེགས་ཞུ་བ་ཡིན། དྲ་གྲོགས་ཚོར་ཞུ་རྒྱུར། རང་ཅག་བོད་ཀྱི་སྨན་རིན་ཆེན་རིལ་བུ། རིན་ཆེན་མང་སྦྱོར་དང་རིན་ཆེན་གྲང་སྦྱོར་ཞུ་བའི་རིལ་བུ་དེ་གཉིས་ན་ཚྭ་གང་གི་ཆེད་ཕན་ཐོགས་ཆེ་བ་ཡོད་མེད་ཀྱི་ཁུངས་ལྡན་གྱི་ལན་ཞིག་ཡོད་པ་ཞུ། ང་ལ་ཕན་ཐོགས་ཆེན་པོ་འདུག

བཀའ་དྲིན་ཆེ།
གཡང་ནོར་ཚོང་ནས་ཕུལ།

བུ་ཆུང་ཌེ་བསོད་ནམས།
སྐར་ཆེན་གྱིས་བསྒྱུར།

ང་ཚོས་ལོ་གསར་གཏོང་དགོས།
མི་ཁ་ཤས་ཀྱིས་གསུངས་ན།
ང་ཚོས་སྒོ་གླེགས་གསར་བ་ཞིག་ཕྱེས་ནས།
བོད་མིའི་ཚོར་ཞེན་ཡོད་མཁན་ཞིག་བྱེད་དགོས།
བོད་ལྭ་གྱོན་དགོས་
བོད་སྐད་བསྐྱོན་དགོས།
ཕ་མེས་ཀྱིས་གནང་བའི་མགོ་བོ་དེ་མགོ་རུ་བཏེགས་ནས་
འདས་བ་དྲན་པར་ཉེར་བཞིན། བཞུད་ལམ་གསར་བ་ཞིག་ཏུ་བསྐྱོད་དགོས རྩོམ་ཡིག་འདིའི་འཕྲོ་ཀློག »

ཁྱོད་སུ་ཡིན།

ཞོགས་་པ་སྔ་མོའི་ལྷོ་ཕྱོགས་ཀྱི་མཁའ་དབུགས་ནི་ཆེས་གཙང་ཞིང་བསིལ་བག་ལྡན་པ་ཞིག་རེད། ཚ་བ་དང་འུར་ཟིང་འཇགས་པའི་དུས་མཚམས་ཀྱི་ཁུག་སོ་འདིའི་ནང་ཕྱོགས་བཞི་མཚམས་བརྒྱད་ན་ལྗང་མདོག་གིས་བརྟས་པའི་ལྗོན་ཤིང་ཚོགས་ནི་སྟུག་པོར་གཟེངས་ཤིང་། ལམ་འགྲམ་གཡས་གཡོན་གྱི་འཇག་རྩའི་ཚོགས་ནི་ཞོགས་སྨུག་སྲབ་བུའི་ཀློང་ན་ཟིལ་བ་ཁྲོམ་མེར། ཅི་ཞིག་གིས་ལྷིང་འཇགས་ཀྱི་ཁོར་ཡུག་ཁད་ཀྱིས་དཀྲོགས་པར་སྐྲག་པ་དང་འདྲ་ལ་སྣུམ་རྫས་རླངས་འཁོར་རམ་འབག་གཙོག་ཅན་གྱི་འཕྲུལ་ཆས་གང་ཞིག་འོང་བར་དངངས་པ་དང་ཡང་ཀུན་ནས་མཚུངས། ང་དུས་རྒྱུན་དུས་ཚོད་འདི་དག་ཁྲོད་དུ་བྲེལ་བྲེལ་འཚབ་འཚབ་ཀྱི་ཕར་བསྐྱོད་ཅིང་ཚ་ཟེར་ངམ་ངམ་འབར་བའི་ཉིན་གུང་ཕྱིར་སླེབས་ཐེངས་རེར། གདོང་ལ་མ་བཅོས་ལྷུན་འགྲུབ་ཀྱི་འཛུམ་གྱིས་འཁྱུད་ཅིང་འཚོ་བའི་གཉའ་མནོན་གྱི་བསམ་བློས་བཙན་འཛུལ་མ་ཐེབས་པའི་དྭངས་གཙང་གི་བྱིས་པ་གཉིས་མཐོང་ཡོང། རྩོམ་ཡིག་འདིའི་འཕྲོ་ཀློག »

ཀ་ྐླན་འཇམ་དབྱངས་གྲགས་པ།

བརྩེ་དུང་གི་སྙན་ངག་ཐབས་ཆག་དེ་ཚོ།
སྦྲང་ནག་བཞིན་ང་ཚོའི་མིག་སྔར་འགུལ་དུས།
མཛེས་སྡུག་ཟེར་བ་ཞིག་སྦྱིན་མ་མྱོང༌།

བརྩེ་དུང་གི་སྙན་ངག་ཐབས་ཆག་དེ་ཚོ།
གྲྭ་བ་ལས་ཀྱང་ཚུལ་ཁྲིམས་གཙང་བའི་སྐྱེས་པ་ཞིག་གིས་བྲིས-པདང་འདྲ། རྩོམ་ཡིག་འདིའི་འཕྲོ་ཀློག »

ཆོས་རྫོང་བསྟན་པ།

ཉེ་ཆར་བོད་ཀྱི་སྐུ་ཚབ་ཚོགས་པ་སླར་ཡང་པེ་ཅིང་དུ་བོད་རྒྱའི་གྲོས་མོལ་ཆེད་བསྐྱོད་དེ་ཕྱིར་རྒྱ་གར་ལྡི་ལིར་འབྱོར་སྐབས། འཐབ་ཕྱོགས་གཅིག་གྱུར་ཁང་གིས་བསྡུས་པའི་གསར་འགོད་ལྷན་ཚོགས་སྟེང་བོད་རྒྱའི་གནད་དོན་དང་མི་འཚམ་པའི་ཁ་བྲལ་གྱི་གདོང་རིས་བསྐྱར་སྟོན་བྱེད་མགོ་བརྩམས། ཁོང་ཚོས་བོད་རིགས་རྒྱ་ཆེའི་མི་མང་གིས་ཡུན་རིང་རེ་སྒུག་བྱས་པའི་བསམ་འདུན་ལ་རྡོག་བརྫིས་དང༌། རྒྱལ་སྤྱིའི་མི་མང་ལ་མགོ་སྐོར་དང་དམར་ཕྱོགས་སྲིད་གཞུང་གི་རྫིག་ཉམས་ངོམ་རྒྱུའི་འཁྲབ་སྟོན་སྐྱུག་བྲོ་བོ་ཞིག་བྱས་པ་ཙམ་ལས། གྲོས་མོལ་གྱི་ལམ་བུའི་ཐོག་བསྐྱོད་པའི་ལྷག་བསམ་མེད་པ་གསལ་བོར་བསྟན།
ང་ཚོས་མཐོང་ཐུབ་པ་ནི་དོན་དམ་གྱིས་རྒྱ་ནག་གི་དབུ་ཁྲིད་ཚོའི་སྐད་ཆར་ཡིད་རྟོན་དང་ཆ་འཇོག་བྱ་ས་མི་འགྲོ་བ་དེ་རེད། མི་རིགས་ས་གནས་རང་སྐྱོང༌། འཆམ་མཐུན་སྤྱི་ཚོགས། མི་རིགས་མཐུན་སྒྲིལ། མི་རིགས་འདྲ་མཉམ། ཆོས་ལུགས་དད་མོས་རང་དབང༌། འཇའ་ཚོན་གྱི་སྤྲོས་པ་ལྟ་བུའི་སྐད་ཆ་སྙན་མོ་འདི་ཚོ་དྲིལ་བསྒྲགས་བྱས་ནས་ལོ་ངོ་དྲུག་ཅུའི་རིང་དམར་གསོད་དང༌། བཙོན་འཇུག གཅར་རྡུང་གི་གཉའ་མནོན་འོག་ཡོད་པའྀ་བོད་དང༌། ཤར་ཊིར་ཀི་སི་ཐན་གཉིས་ལ་རྒྱལ་སྤྱིའི་མི་མང་གིས་གདུང་སེམས་མཉམ་བསྐྱེད་བྱ་དགོས་པའི་གནས་སུ་གྱུར་ཡོད། རྩོམ་ཡིག་འདིའི་འཕྲོ་ཀློག »

སྨྱུག་རྒོད་གངས་བུ་དཔལ་ནས།

རྣམ་དཔྱོད་ལྡན་པའི་རང་རེའི་གྲོགས་པོ་ཡོངས་ལ།
ཉིན་ཤས་སྔོན་ཁོ་བོས་ཁ་བརྡ་བྱ་སའི་གསལ་བསྒྲགས་ཆུང་ཆུང་ཞིག་སྤེལ་བས་ཁ་བརྡ་བྱ་ས་ཆུང་ཆུང་དེའི་ནང་གྲོགས་པོ་མང་པོ་ཞིག་ཕེབས་སོང་བར་ཐུགས་རྗེ་ཆེ་ཞུ་རྒྱུ་ཡིན། འོན་ཀྱང་ང་ཚོ་གྲོགས་པོ་ཚང་མར་བརྗོད་གཞི་གཅིག་མེད་པ་དང་དུས་ཚོད་གཅིག་ཏུ་འཛོམས་མ་ཐུབ་པའི་རྐྱེན་གྱིས་ཁ་བརྡ་ཤིན་ཏུ་ལེགས་པོ་མ་བྱུང་པས།
ད་ཆ་ཕྱོགས་གཞན་པ་ཞིག་ནས་བསམ་བློ་གཏོང་དུས་ང་ཚོས་དུས་ཚོད་དང་བརྗོད་བྱ་གཏན་འབེབས་ཐོག་སྔོན་འགྲོ་ཚོད་བལྟའི་བགྲོ་གླེང་ཞིག་ཁ་བརྡའི་ཁང་ཆུང་དེ་ན་འཚོགས་ན་དགེ་མཚན་མེད་དམ་སྙམ་ན། རྩོམ་ཡིག་འདིའི་འཕྲོ་ཀློག »

ཨ་རིག་དགེ་མཐོང་།

བྱམས་སེམས་ཅན་གྱི་བོད་མིའི་དབུ་ཁྲིད་དེ་ཡང་།།

དགོང་ལོ་བརྒྱད་ཅུའི་འགག་འཕྲེང་སྣེ་མོར་སླེབས་འདུག།

རིན་ཐང་ལོ་རྒྱུས་ཅན་གྱི་རྒྱལ་ཁབ་བཙན་པོ།།

ཙི་ནའི་བཙན་འཛིན་འོག་ནས་ཐར་ས་མ་རེད།། རྩོམ་ཡིག་འདིའི་འཕྲོ་ཀློག »

བོད ལྷ་ཀླུ་གཉན་གསུམ།

་་་་་་་་་་་ཚུར་འབྱོར་མ་ཐག་པའི་སྐུ་ཚབ་དག་གི་གསར་འགོད་གསལ་བསྒྲགས་ཁག་དང་བོད་མི་དྲ་ཐོག་པ་ཡོང་ཀྱི་བསམ་ཚུལ་ལ་ཉན་རྗེས་སུ་བྲིས།

ངས་འདི་ལྟར་ཟེར་ན་འདོད་བྱུང་། རྒྱུ་མཚན་ནི། ཁོང་ཚོ་ཕར་འགྲོ་དུས་སུ་བོད་ཀྱི་སྐུ་ཚབ་གྱི་མིང་ཐོག་ནས་མི་ལོ་བཅུ་ལྷག་རིང་དུ་ཕྱིན་པ་རེད་ལ། ཚུར་འོང་དུས་སུ་ཁོང་ཚོ་ནི་རྒྱའི་སྲིད་གཞུང་གི་མགྲིན་ཚབ་པ་ལྟ་བུ་ཞིག་ལས་བོད་མི་དམངས་ཀྱི་སྐྱིད་སྡུག་ལེགས་ཉེས་གླེང་དུ་སོང་བའི་བོད་ཀྱི་སྐུ་ཚབ་དེ་མ་ཡིན་པར་རྒྱའི་སྲིད་གཞུང་གི་མགྲིན་ཚབ་པ་ལྟ་བུ་ཞིག་ཆགས་ནས་འོང་གི་ཡོད་པ་དེ་ཡི་སྟབས་ཀྱི་ཡིན།

ཕར་འགྲོ་ཐེངས་རེར། བོད་ཕྱི་ནང་གཉིས་ཀྱིས་བོད་མི་མི་ཉུང་བ་ཞིག་གི་རེ་བ་ཁོང་ཚོ་བཅོལ་ཡོད་ལ། ཚུར་སླེབས་ཐེངས་རེར་ཁོང་ཚོས་རྒྱའི་སྲིད་གཞུང་གི་གང་བཤད་པ་དག་ལས། བོད་མི་དམངས་ཀྱིས་སྐྱིད་སྡུག་ཡོད་ཚད་རྒྱའི་སྲིད་གཞུང་གིས་དངོས་ནས་འདི་ལྟར་ཁས་ལེན་བྱེད་ཀྱི་འདུག་ཟེར་བ་ཞིག་གཏན་ནས་བཤད་རྒྱུ་མེད་པར། ཡོད་པ་དེ་ཡང་རེ་བ་ཞིག་འདུག་ཟེར་བ་ཙམ་ལས། རེ་བ་ཡོད་སྟངས་སྐོར་དེ་ཡང་སྔ་ལོ་ནས་ཕྱི་ལོ་མེད་པ་དེ་ཡིན། རྩོམ་ཡིག་འདིའི་འཕྲོ་ཀློག »

ཤ་ཀླན་འཇམ་དབྱངས་གྲགས་པ།

བསྟོད་ར།
ཁོས་ང་ཡག་པོ་འདུག་ཟེར།
ངས་ང་ཡག་པོ་མེད་ཅེས་སྨྲས།
དོན་དུ་ངེད་གཉིས་ཀས་ང་ཡག་པོ་ཡོད་པར་འདོད། རྩོམ་ཡིག་འདིའི་འཕྲོ་ཀློག »

གཡུ་དྲུག་དཀར། རྡ་ས།

ཕར་ལྟོས་ན་མི་རེ་འགའ་ལས་མི་མཐོང་བས། ཁ་ཞེང་ཆུང་དྲགས་པའི་རྒྱུད་ལམ་ཆུང་ཆུང་ཞིག་ཏུ་སྣང་ཡང་། དུས་རབས་ཀྱི་ལམ་ཡིན། ཁ་སང་དེ་རིང་གི་བརྐྱང་བསྐུམ་གྱི་རྣམ་འགྱུར་ལ་བརྟག་ན། ཧ་ཅང་ཐུང་ཐུང་ཞིག་ཚོར་ཡང་། རེ་ལྟོས་དང་ངང་སྒུག་གི་ལམ་ཡིན། གཞུང་རྒྱུད་ཀྱི་ཀྱཀ་ཀྱོག་གི་ཁུག་པ་དང་། ས་རྡོ་འབར་འབུར་རྡོག་ཏུ་ཐོན་པའི་ངོས་ན། ཇི་འདྲའི་རྩུབ་ཉམས་ཤིག་མཆིས་མོད། ཞི་བའི་ལམ་ཡིན། རྩོམ་ཡིག་འདིའི་འཕྲོ་ཀློག »

Tibet The Story Of A Tragedy